الفرق بين الشعر الطويل والشعر القصير

زائر

اسمع اذا جاء احد يخطب من اهم شروطه : الفرق بين الشعر الطويل والشعر القصير Ta7a_13

وتعتبر من الاساسيات ابــــــي وحــــــــــــــده شعـــــــــرها طويــــــــــــل!!!

مع انهم لو يقارنون بين محاسن الشعر القصير والطويل
راح ترجح كفة الشعر القصير.

لا تطيرون عيونكم عليّ .. ايه الشعر القصير ...

اثبتت الدراسات التي اجريت من قبلنا ان لشعر الطويل مساوئ جمه :

1-تستهلك اسبوعياً شامبو ((هذا اذا صار شعرها ناعم))

يعني لو خشن اضف للقائمه بلسم زيت وخلافه...

يعني تحدد ميزانيه لنظافة شعر زوجتك ولمعانه وحيويته.

<=====وش ملحنا حنا الشامبو يقعد عندنا شهرين ((مانأثر في الميزانيه))

2-تستهلك كميه كبيره من المياه اثناء غسل شعرها

تقعد تبربس في هالمويه وتغسل هالشوشه مدة لاتقل عن ساعتين ان مازادت

وتخلص المويه عن الحي وبالاخير تأثر على مستوى المياه في المملكه

وحنا دوله صحراويه وين ترشيد استهلاك المياه؟؟؟؟؟

3-تستهلك كهرباء

حط تحت هالنقطه عشر خطوط ..

تقعد تنشف في هالشعر وتستشور فيه 3 ساعات وتسحب من هالكهرب

وعاد مايبيلها كلام فاتورة الكهرب من اصلها مملوحه من غير شعر زوجتك

كيف معه تنفضك نفض....

4- في المناسبات والاحتفالات ((الله يكون في عونك))

شعرها طويل وش تسوي فيه لازم تسريحه لاتقل عن 500 ريال

5-تتعبك نفسياً ..

يعني اذا جتك من عزيمه وطاحت شعره من شعيرتها تقعد تنوح اليوم كله

وتقول(نضــــــــــــــــــــــــلـــــــونــــــــ ي))

وتصجك وتجرك وراها من شيخ لشيخ من غير عاد الفلوس اللي بتدفعها

للزيت والمويه المقري فيها وغيررررره

هذا اذا ماخلتك تمر كل بيت وحده حضرت العزيمه ومعك طاسه مويه

تخليها تتفل فيها... <========ويقولون نبي شعر طويل امحق

6-تتعبك جسدياً ...

راح تلقى شعرها في كل مكان في صحنك .. بيالتك .. ثوبك

واخرتها بتطيح بالمستشفى يستخرجون الحصوه اللي في معدتك

ملاحظه:الحصوه شعرها تجمع في بطنك

7-لازم تسوي اشتراك سنوي مع احد السباكين ..

طبعا عشان تفتح المجاري المسدوده بسبة شعر زوجتك المصون000

الفرق بين الشعر الطويل والشعر القصير 1254921118946